ООУ „Ј. Х. Песталоци“ доби нов и еколошки кров

Општина Центар го реконструираше кровот над аулата и просториите  во ООУ „Јохан Хајнрих Песталоци“.

Стариот кров, кој беше стар 30-ина години, имаше салонитни плочи, кои беа од канцероген материјал и забранети. Наставниот кадар реагираше бидејќи кровот протекуваше.

Стариот кров е отстранет и монтирани се 375 кавдрати нов кров од челичен поцинкуван пластифициран ребраст лим, високо квалитетен и по сите еколошки стандарди.

Оваа интервенција во училиштето ја вети градоначалникот на општина Центар, Андреј Жерновски, веднаш по  реконструкцијата на фискултурната сала и аулата во ова училиште.

И ова е дел од проектот „Нова пролет, нова офанзива!”

Следува финиширање на  целосната реконструкција на градинката „13 Ноември“.