„Фенди“ има пролетна цвеќарница на мопед

Fendi Ginza pop-up продавница во Токио, којa се протега на три етажи со нагласен ведар карактер на амбиентот, стана пораскошна за уште една необична мобилна цвеќарница. Јапонскиот уметник Азума Макото конвертира ретко виден Piaggio Ape мопед во мала продавница за цвеќе на тркала.

Сите посетители на оваа Fendi продавница, освен во новата колекција, може истовремено да уживаат и во цветните инсталации кои се имплементирани во една засебна ботаничка градина која целосно го покрива мопедот.

Со овој потег, модната куќа „Фенди“, реферира на своите мотиви и теми од луксузната пролет-лето колекција. На самиот мопед, освен галерискиот сегмент на цветни аранжмани во вазни, има и еден облик на мини тераса.