Необична куќа од 1970 година повторно е отворена за јавноста

Куќа со необичен облик Bubble House изградена во 1970 година, а проектирана од страна на унгарскиот архитект Antti Lovag, денес по пет години реновирање повторно е отворена за јавноста.

Архитектот Antti Lovag сметал дека приватните домови треба да бидат место на слобода на оние што живеат во нив. Водејќи се од оваа дефиниција, тој ја дизајнирал Bubble House во која прави агли, и, генерално, рамни површини, не постојат.

Куќата била дизајнирана за авантуристот и филантроп Pierrе Bernard, а се наоѓа во јужниот дел на Франција, во градот Theoule Sur Mer.

Во текот на процесот на проектирањето и изградбата на куќата, архитектот живеел на градилиштето. По проучување на карактеристиките на теренот, тој одлучил да изгради куќа од флексибилни челични рамки, преку коишто во завршната фаза се излива бетон, пишува Designboom.

Ова семејна куќа вклучува низа заеднички но и приватни простори наменети за секој член на семејството кое живеело во Bubble House.

По 40 години, фондацијата Maison Bernard ангажирала француски архитект за реконструкција на Bubble House.

Целиот процес на реновирање траел пет години и во голема мера подразбирал употреба на интензивни бои, кои во секој простор на куќата во потполност го дефинирале идентитетот.

Секоја година фондацијата Maison Bernard, помошната куќа, која била изградена за тогашните потреби на Antti Lovag, ја дава на употреба на шест месеци на користење на избран уметник. Уметникот добива и стипендија, но и обврска во текот на својот престој да го заврши својот уметнички проект.

Реконструираниот објект е отворен за јавноста секој вторник од октомври до април, и секој втор вторник во периодот од мај до септември.