Виртуелна прошетка низ „градината на земните задоволства“ на Бош

Благодарение на апликацијата Bosch VR добивме единствена можност да се истражува бизарната природа претставена на познатиот триптих на фламанскиот мајстор Хиеронимус  Бош.

На почетокот на 16 век кога Бош го насликал ова легендарно дело, посветено на „градината на земните задоволства“, никој и во најлудите соништа не можел да замисли дека пет века подоцна, во една сосема поинаква стварност, со софистицираната технологија виртуелно би можел да се прошета низ оваа надреална градина.

Зад брилијантниот интерактивен проект стои креативната агенција BDH, која дизајнирала неколку различни тури по сликата, односно преку тури со аудио водич или придружен текст или како самостојно истражување.