Највисокиот бар во Њујорк е на покривот на хотелот Hyatt Times Square

Сместен на 54-от кат на хотелот Hyatt Times Square во Њујорк и со неверојатен поглед на секогаш возбудливиот Менхетен, Bar 54 е место на врвни направени коктели, фини вина и вкусни закуски, а дружењето на оваа тераса и тоа во големата проѕирна кугла од меурчиња гарантира забава за сеќавање.

Веројатно најздодевниот дел од зимата во Њујорк е за оние луѓе кои сакаат да посетуваат барови на покривите на хотелите и заради тоа тие не можат удобно и на отворено да уживаат и да се дружат на терасите кои ги овозможуваат најубавите погледи врз урбаната шума од облакодери на Менхетен.

Затоа, Bar 54 за своите гости во зимските периоди им подготви интересен концепт.

Поточно, на терасата на својот популарен бар сместена е проѕирна кугла која делува како да е направена од илјадници поврзани меурчиња, а внатре во неа можете да се дружите и да се забавувате со своите пријатели, но не повеќе од 10 луѓе.

Погледот досегнува до култниот облакодер „Крајслер“, „Тајмс Сквер“ и останатите облакодери на Менхетен.

Единственото нешто што од вас се бара во овој бар е да испиете најмалку два пијалаци и своето доаѓање, се разбира, да го резервирате однапред, бидејќи ова е моментално трендовско место на „мапата на забави“ во Њујорк.