Ретроспективна изложба на Фрида Кало во Санкт Петербург

Првата голема изложба во Русија посветена на мексиканската сликарка Фрида Кало е отворена во музеј во Санкт Петербург.

На изложбата во музејот „Фаберже“ се поставени триесетина дела на мексиканската сликарка позната по нејзините потресни автопортрети.

Сликите се од разни збирки во Мексико, а музејот рече дека ги транспортирале со четири авиони до Русија од безбедносни причини.

Организаторите велат дека во изложбата е опфатена целата кариера на Кало и дека се застапени некои од нејзините најпознати слики.

Фрида Кало почина во 1954 година на 47 години.