Научниците прогнозираат дека 2016-та ќе биде најтопла година во историјата

Според прогнозите на британската метеоролошка агенција, 2016 година веројатно ќе биде најтопла во историјата откако се вршат мерења. Значи средните глобални температури во 2016 ќе бидат повисоки од 2015 година која веќе се смета за рекордно топла поради комбинацијата од глобалното загревање и „Ел Нињо“.

Извештаите за 2015 година од јануари до октомври покажуваат, дека глобалната температура е 0,72 степени повисока од онаа во периодот 1961 – 1990 година. На крајот на 2016  година, можеби ќе следува прогноза за три последователни години најтопли во историјата, велат научниците.