Бар Cherdak од Inblum Architects

Сместен во поткровје на неодамна реновирана куќа во стариот град на Минск, барот Cherdak се издвојува како пример на дизајн реализиран со исклучителна примена на необработени материјали. Како специфичен детаљ од ентериерот се забележува соголената ѕидна обвивка изведена во тула, од која е изработен и барскиот шанк.


Просторот е организниран од две главни карактеристики. Првата ја дефинира мултифункционалната структура во борови панели, која се провлекува низ целата внатрешност и во себе вклучува шанк, осветлување, полица и закачалка, кои соединети во една целина го потенцираат просторот како архетипско поткровје.

Меката површина за седење се издвојува како втор карактеристичен елемент, наоѓајќи му намена на неупотребливиот простор под ниската таваница.




Помалите елементи од ентериерното уредување, нови или стари, се внимателно избрани од страна на архитектите и донесени од различни стилски подрачја во светот.