Најголемата соларна централа во Хрватска ќе се гради на островот Вис

Најголемата соларна централа во Хрватска со моќност од 2 MW, инвестиција вредна 3 милиони евра, наскоро треба да се гради на островот Вис. За реализацијата на овој проект одговорна е компанијата  „Кончар“. Проектот се базира на домашна опрема, технологија и знаење, а произведената енергија ќе се испорачува во националната електроенергетска мрежа.

„Централата ќе биде изградена за една година. При изградбата ќе бидат ангажирани локални компании и работници, а подоцна во одржувањето на постројката исто така ќе биде ангажирано локалното население.“ вели градоначалникот на Вис.