Црна Гора бара армирачи, столари и бетонерци

За изградба на првата делница од автопатот Бар-Болјари работодавецот бара најмногу армирачи, столари и бетонерци, вкупно 168 лица. Во септември и октомври ќе бидат ангажирани 354 работници од Црна Гора, соопштено е од Заводот за вработување на Црна Гора. Од Заводот рекле дека почнува обуката на кандидатите за градежните занимања, но и дека многу од нив кои имаат работно искуство во таа струка, а немаат сертификати, тие сертификати ќе ги стекнат во Академијата Азмонт во Бијело Полје и на обуките и дообуките во Колашин и Беране.