Паметно живеење во мал стан

Живеењето во мал простор не мора да значи дека е хендикеп. Доколку се умее паметно да се искористи секој дел од просторот, тогаш во еден мал стан можеме да добиеме компактно и функционално место за живеење.

Овој ентериер е дело на дизајнерот Anton Sevastyanov, и има површина од 43,5 метри квадратни. Просторот е наменет за млад и активен човек кој има страст кон музиката, спортот и фотографијата.

Светлиот и отворен простор го презентира овој ентериер како минималистички и едноставен, што ни дава чувство дека овој простор е поголем отколку што тој навистина е. Обоената бела тула во секој случај е модерна но истовремено дава и впечаток на почист простор.

Плакарите од дрвени панели кои формираат врати, го одделуваат просторот на спалната од дневната соба, со што се дава една поинтимна атмосфера во спалната соба, а истовремено се добива ефект на поголем стан.