Ентериер на мал стан со стил

Иако понекогаш големите простори може да бидат подобри, со оглед на тоа што се повеќе живееме во градови кои се пренаселени, и од малите станови можеме да добиеме простор со стил, доколку е дизајниран од добар дизајнер.

Добриот дизајнер би требало да може од еден мал простор да створи еден дом кој не е само функционален, туку на тој простор да му вдахне и стил.

Ентериерот што ви го претставуваме е со површина од 40 метри квадратни, но сепак ги задоволува сите функционални и естетски барања кои ги поставува едно младо креативно семејство.

Овој ентериер е поделен на два дела со половина ѕид кој се наоѓа во средината на овој простор.

Од едната страна е поставена кујната и трпезаријата, додека пак од другата страна се наоѓа дневниот престој со работната површина, а просторот на спалната соба е поставен зад дневниот престој и е малку подигнат.