Островот Крк – прво енергетски независно подрачје во Хрватска

Островот Крк ќе стане првото целосно енергетски независно подрачје во Хрватска без емисии на јаглерод диоксид, а се работи на тоа, најдоцна до 2030 година, целата потребна енергија да се добива од обновливи извори.

Досега, во насока на подобрување на енергетските карактеристики на островот, се обновени 260 згради, додека истовремено се спроведуваат континуирани едукации на граѓаните, и тоа на сите нивоа: од градинки, преку основни и средни училишта, па сè до курсеви за возрасни.

Изградена е фотоволтаична постројка на стара депонија за отпад, со моќност од  136,8 kwp, а целиот остров е мапиран и за неинтегрирани фотоволтаични постројки и ветерници. Исто така, оформен е „енергетски тим“, како носител и иницијатор на енергетскиот развиток на островот Крк. Оваа година ќе започне изградбата на „Енергетски едукативен центар – пасивна куќа“, каде посетителите на самото место ќе можат да видат како функционираат последните достигнувања од подрачјето на обновливите извори на енергија.