„Елегантниот хаос“ на големата Коко Шанел

Познатата адреса Rue Cambon 31 во Париз ја означува улицата каде што и денес може да се види ексклузивниот бутик „Шанел“, а на третиот кат во истата зграда се наоѓа станот во кој Коко Шанел работела и ги дочекувала гостите сè до својата смрт во 1971 година.

Коко, всушност, живеела во хотелот „Риц“ до кого можела да стигне пешки, но во станот што ви го претставуваме поминувала најголем дел од времето.

Луксузната дневна соба со голем број книги, антички мебел, кинески мотиви и камелии, кои биле омилени цвеќиња на славната дизајнерка, на шега била нарекувана „елегантниот хаос“ на големата Коко.

Во секоја соба има камин, бидејќи оваа позната дама не сакала ладни соби, ниту мирис на храна во станот. Раскошните лустери се направени во согласност со нејзините идеи.