Поранешен советски воен брод претворен во луксузен хотел

Властите во Кина го купиле бродот Киев –  носач на авиони долг 300 метри и гордост на советската морнарица во 80-тите години од минатиот век, и направиле од него луксузен хотел. Се работи за прва ваква концепција во светот. Носачот на авиони Киев бил продаден во 2000 година и оттогаш трае неговата трансформација во хотел со 148 соби, два претседателски апартмани, три ВИП апартмани и 137 стандардни соби. Се работи за совршено место за одмор на луѓе кои бараат необични одмори. Но со овој брод-хотел не ќе може да се патува. Тој ќе биде трајно усидрен. Тоа е бизарен крај за бродот што за првпат впловил во 1972 година како дел од Советската северна флота.