Порта3 – градежништво, архитектура и екологија Порта3 – градежништво, архитектура и екологија
Оваа колоритна продавница за книги која се наоѓа во Рио де Женеиро, Бразил, е дизајн на Studio Arthur Casas.
Продавницата е концептирана како хибрид помеѓу јавен простор и библиотека, пристојно место за слободно време, концентрација и релаксација во исто време.
Архитектурата е едноставна и поканувачка, со цел да исчезне зад книгите за да се ослободи простор мислите да талкаат околу содржината на книгите.
Во 21 век, книгите и новите медиуми ги делат полиците, барајќи високо ниво на флексибилност во распоредот. За да се организираат сите овие информации а библиотеката да не биде монотона, употребата на колорит е прекрасна стимулација: луѓето да останат, да прочитаат и да комуницираат во пријатна атмосфера.
Продавницата се наоѓа во трговски центар во Рио, а е поделена на четири ката. Посетителите влегуваат преку простор со двојна висина, каде што полиците изгледаат како да лебдат, со цел да се потенцираат книгите и предметите.
Некои полици се дополнети со шини, така што може да се создадат различни конфигурации. Керамичкиот под бил специјално развиен за оваа продавница, за да биде рефлексивен и да го акцентира осветлувачкиот сјај. Бразилскиот орев е имплементиран во секој простор, создавајќи топла неутрална заднина заедно со различните бои и текстури на книгите и предметите.
