Се асфалтира патот во битолското село Драгош

Селото Драгош во близина на Битола деновиве ќе добие селски пат во должина од скоро два километра. Градоначалникот на општина Битола Владимир Талески ги промовираше инфраструктурните интервенции во населеното место Драгош, кои се реализираат на барање на локалното население. „Во селото Драгош реализираме проект кој овозможува поправка на патот во селото и негово поврзување со главниот пат во должина од 1.700 метри. Исто така, побаравме од Агенцијата за државни патишта да помогнат во реконструкцијата на дополнителни 450 метри пат низ селото.

Со овој проект го затвораме пакетот инвестиции на локалните патишта помогнати со Европска Банка, а со помош на Светска Банка ќе реализираме уште четири локални правци, изјави Талески.

Вкупната вредност на инвестицијата во село Драгош е над шест милиони денари.