БиХ ќе гради 110 километри од Јадранско-јонскиот автопат кон Црна Гора

Босна и Херцеговина ќе гради 110 километри на Јадранско-јонскиот автопат кон Црна Гора, пренесоа подгоричките медиуми. Во подгоричките Дневни новини речено е во Министерството за сообраќај и комуникации на БиХ дека моментално се работи на уврдување на трасата на патот и усогласување со претходната студија за исплатливост, а потоа треба де се почне со изградба на патот до границата со Црна Гора. Првобитната траса на Јадранско-јонскиот автопат со кој преку Хрватска, БиХ, Црна Гора и Албанија, ќе се поврзе централна и западна Европа со Грција, беше планирана преку Дубровник, но на августовскиот состанок на премиерите на државите од регионот, беше одлучено таа траса од патот да поминува преку БиХ.