Куќа со овален двор во Субиако, Западна Австралија

Оваа семејна куќа во Субиако, Западна Австралија, е штотуку завршена а проектот е на Luigi Roselli Architects. Гледан од улица, овој скромен семеен дом крие во себе тајност; кластер на меѓусебно поврзани павилјони со овална дворна градина во нивниот центар.

На јавно видливите лица на павилјоните, усогласени со геометријата на плоштадот на ниво на земјата, со должна почит се усогласени на хомогениот карактер на раната 1900-та федерациска ера на плановите на Subiaco Streetscape, едно од најзачуваните предградија на Перт, каде постои постаро урбано јадро со ажурирани традиционални веранди и вкрстен модел формиран од тула. Па така, ова соседство влијае на изгледот и на оваа нова куќа со елементи ентузијастички адаптирани за новата локација. Она што е специфично за оваа куќа е што со самото стапнување на влезот се открива, ништо друго, туку куќа-плоштад.

Елипсовидниот двор кој е поставен дијагонално, преку срцето на куќата, од влезната до задната врата, е фокусната точка на домот во смисла на дизајн и употреба. Дворот ги дели спалните соби од животниот простор со влезен хол во центарот. Од самиот влезен дел може да се види целиот двор со дневната и спалната соба – тоа е многу интимен и приватен простор, минимално уреден со тревник и неколку дрвја кои се повторуваат во урбаниот блок.

Надворешно овалот се граничи со уште една веранда од дрво, достапна од сите места на куќата, со театрален отворен простор каде децата може слободно да играат и да се забавуваат. Овалната форма на дворот влијае и на внатрешниот распоред, каде се појавуваат овални кривини за поврзување на коридорите и стаклените панели кон дворот.

Ентериерот на куќата ја рефлектира конструктивната тензија на нејзините безвременски аспекти  како традиционалните покривни форми, решени со видливо дрво, насликаниот јазик на граничните линии, малите прозорци и традиционалните француски врати, заедно со повеќе современи материјали, како што се полиран бетон и црн челик, современата дограма и скандинавскиот мебел.