Франција и Германија лидери по растот на инвестиции во комерцијални недвижности

Растот на инвестиции во комерцијални недвижности во Европа во првата половина од годинава главно бил обезбеден од Франција и Германија, а свој влог имаат и Холандија, Шведска и Шпанија, се вели во извештајот на меѓународната консалтинг компанија CBRE.

Вкупниот обем на инвестиции во комерцијални недвижности според резултатите од полугодието достигна 84 милијарди евра. Една година пред тоа тој беше 67 милијарди евра.

Во Франција вкупниот обем на инвестиции за полугодиeтo достигна 11.1 милијарда евра, што е за 84 проценти повеќе во споредба со првото полугодие од 2013 година. Во Германија обемот е околу 17 милијарди евра.

Освен ова, во првото полугодие од годинава беше регистриран значаен раст на на активностите на САД, забележуваат експеrтите. Сумата на зделките склучени со нив е околу 11,5 милијарди евра, во споредба со 6,3 милијарди евра една година порано. Главниот дел од тие инвестиции е во Велика Британија (36%), Германија (23%) и Франција (17%).