Метрополитан Опера од Тојо Ито добива завршна форма

Долго очекуваниот проект на Оперската куќа Метрополитан во Тајчунг, град во западен Тајван, полека се доближува кон својата завршница, каде голем дел од порозната т.н. фасада од „прскан бетон“ е готова. Проектиран од страна на познатиот јапонски архитект Тојо Ито, работата на терен започна кон крајот на 2009 година со комплексна изведбена стратегија.

Главната структура е формирана од неколку криви ѕидови, поврзани со подните површини и помошните ѕидови. Обвивката на континуираната површина е напревена од посебен тип на прскан бетон кој се користи за тунелски работи. Изработено во два слоја, јадрото на објектот се добива во пред-мешана серија со цел да се постигне точна концентрација.

Потоа, работниците ја порамнуваат со гипс мешавина со рака за да се обезбеди точната големина и текстура на дизајнот. Како резултат на тоа, надворешната обвивка – „кожа“ служи како екосистем: постојано рециклирање на дождовницата и пасивна контрола на температурата и осветлението во рамки на објектот.

Внатрешно, експанзивниот „уметнички плоштад“ се протега низ приземјето со голем број на циркулаторни патеки кои водат до големиот театар, што всушност е срцето на проектот. На горните нивоа се наоѓаат сместувачки капацитети со голем број услужни објекти за јадење и кафе-тераси кои водат до покривната градина. Јавното отворање на Оперската куќа Метрополитан во Тајчунг на архитект Тојо Ито е најавено за 2015 година.