Отворена библиотека на мириси во престижната стоковна куќа „Сакс“ во Њујорк

Fragrance Library е нов агол во престижната стоковна куќа Saks Fifth Avenue, исполнета со најдобрите дизајнерски мириси во светот.

На 40 квадратни метри наредени се полици како во библиотека, само што наместо со книги тие се исполнети со разни парфеми. До нив може да се дојде со помош на подвижни скали какви што се наоѓаат во библиотеките, а во барањето на омилениот парфем помогаат библиотекари специјализирани за мириси. Во „библиотеката“ можат да се најдат најфините дизајнерски мириси како Armani Sí, Estée Lauder Modern Muse и Chanel Coco Mademoiselle, кои се на полиците наредени тематски.