Светот на ЛЕГО за седиштето на познатата компанија за играчки во Истанбул

OSO architecture го креираат светот на ЛЕГО за првото седиште на светски реномираната компанија за играчки „ЛЕГО Турција“ во Истанбул. Компактен и дизајниран во согласност со специфичните барања на програмата, просторот од 350 м² е генерално планиран како отворена канцеларија, наменета за 23 вработени лица.

Во оваа смисла, решени се приемни и мали сали за состаноци, кои се наоѓаат во близина на влезот и на центарот, а масите за заедничка работа се наоѓаат во непосредна близина. Менаџерските и директорските канцеларии се групирани да бидат заедно на фасадата со цел продор на природно осветление и погледи.

Социјалните области се сведени на минимум и се со ограничени димензии во рамки на големиот простор. За да се компензира, две повеќенаменски лоџи се предвидени за социјализација и неформално дружење на работното место. Покрај тоа, постои и голема просторија за 14 лица директно достапна од десната страна на влезот за салата на состаноци.

Како светски лидер во својата област на индустријата, ЛЕГО брендот е препознатлив по своите примарни критериуми за ентериерниот дизајн. Водени од тоа, архитектите ги презентираат дефинирачките карактеристики во деталите на внатрешноста, како на пример, влезот во салата и таванот во приемниот дел се изведени во класичен изглед на „лего“ тула. И проѕирните винилни „мини фигури“ се среќаваат на ѕидовите и стаклените партиции. Исто така, за уредувањето на ентериерот се искористени и историските фотографии од производствени фази во минатото како и фотографии на основачот на фабриката за производство на ЛЕГО играчки Ole Kirk Christiansen.

Во однос на графичкиот дел, се употребува широк спектар на корпоративни бои, кои создаваат хармонија меѓу декорот и чувството на припадност. Удобноста на работното место е зголемена со употреба на специјални акустични мерки. Барањето за контрола на звукот е задоволено со специјални акустични панели кои се вградени во ентериерот преку скриени детали на конекција. Покрај тоа, двојно застаклување е применето во сите стаклени партиции, а во сите затворени простори самите теписи работат како впивачи на звук.