Духовитите илустрации на Марк Џонс!

Веројатно на Интернет сте наишле на некои интересни илустрации кои се чинат како да се направени од дете, но веднаш ќе се разуверите во таквата „наивност“ штом ќе прочитате реченица која оди со нив. Духовито, симпатично и интелигентно – ова се само некои од атрибутите со кои може да се искаже творештвото на Марк Џонс, илустратор кој буквално доминира во дигиталниот универзум! Отворете Tumblr, Pinterest, Facebook, Twitter, и сигурно ќе ви се појават некои од неговите цртежи.

Тешко може да се најдат одредени биографски информации за илустраторот, како да не постојат на Интернет. Марк Џонс создава чудни цртежи исполнети со духовитост и хумор. Од неговата работа, може да се види дека зад сите овие цртежи стои интересна и креативна личност, која својата животна филозофија ја дели со светот преку хартија и молив и така го освојува!