МЕПСО ја заврши изградбата на електроенергетскиот прстен околу Битола

МЕПСО ја заврши изградбата на новиот двосистемски 110 kV далекувод што ги поврзува трансформаторските станици „Битола 3“ и „Битола 4“. Инвестицијата вредна 2,4 милиони евра го заоркужи енергетскиот прстен, сочинет од четири трансформаторски станици во Битола, со што во иднина ќе се сведе на минимум ризикот од испади и ќе се зголеми доверливоста и безбедноста на енергетското снабдување во Пелагонискиот регион. Паралелно со изградбата на електроенергетскиот прстен, МЕПСО напредува и со 400 киловолтното далеководно поврзување на Битола и Елбасан, со што Битола ќе прерасне во електроенергетска крстосница, која ќе ја поврзува Македонија со Грција и Албанија.