Закуп на покриви за вградување на фотоволтаици

Повеќе компании во Србија и регионот, освен продажбата на фотоволтаици, изведување на проекти за изградба на соларните централи, посредување во постапките за банкарски кредити и сл., нудат и договори за закуп на покривот на објектите каде би се поставиле фотоволтаици.

Во Србија, за да се склучи ваков договор за закуп, неопходно е објектот да поседува валидна градежна дозвола според која е изграден, минимална површина на покривот од 60 до 80 м2, и да има јужна, југоисточна или југозападна ориентација. Договорите се склучуваат на рок од 14 години, а цената на закупот изнесува околу 30 до 50 евра по kW инсталирана моќност на годишно ниво.