Големото невреме предизвика штети и хаос во Скопје

Искршени автомобили, откорнати дрва и кровови, поплавени улици и сообраќаен колапс. Ова е епилогот од силното невреме во Скопје. Најмногу настрадаа населбите Ќерамидница, Аеродром и Кисела Вода, каде што ветрот буквално откорна дрва високи повеќе од десет метри.
Невремето предизвика и прекини и во електричното напојување, поради што неколку неселби во градот останаа без струја. Екипите на ЕВН веднаш излегоа на терен и почнаа со санација на дефектите. Меѓу првите на лице место излезе и градоначалник Коце Трајановски кој лично ја следеше акцијата за испупмување на насобраната вода кај подвозникот меѓу населбите Триангла и Аеродром.