Модерна еко куќа во Грција градена по традиционални методи

На грчкиот остров Тинос, изградена е првата летна куќа за одмор со базен кој ја прекрива целата површина на покривот. Проектот и изведбата се дело на архитектонското студио Kois Associated Architects од Атина. Дел од куќата сочинуваат ѕидови изградени по традиционалната метода на суви ѕидови (градење со камен без употреба на малтер), додека задниот дел од куќата е направен од набиени слоеви земја со вегетација која овозможува пријатна температура во внатрешноста без користење на клима уред.

Сите материјали користени во изградбата се локални и имаат ниско влијание врз животната средина, како и одлични изолациони способности. Базенот на покривот овозможува термичка изолација и заштита од прегревање.