Луксузно тајно скривалиште

Новата генерација на луксузен дизајн за куќичка на дрво ги претвора детските соништа во реалност. Кога зборуваме за куќички на дрво, германската компанија Baumraum ја има водечката улога. Baumraum е водечка компанија специјализирана за планирање и развој за овој вид на архитектура и градење. Со проектите реализирани во разни делови во светот, Baumraum е познат по својот модерен, футуристички пристап кој успева да го одржи вистинскиот „дух“ на куќичка на дрво. Императивот е да се заштити природата и да се има најмалку можно влијание врз животната средина за време на конструирањето и интеграцијата.

Една од нивните успешни решенија е куќичката Djuren во северниот дел на Германија, која совршено ја илустрира филозофијата на компанијата; луксузно мало скривалиште со природно- футуристички дизајн.
Елипсоидниот облик на куќичката совршено се вклопува во шумата. Елипсовидната база се наоѓа на четири челични носачи, додека со дрвена конструкција е прицврстена за дрвото. Исто така, тука се и две тераси, кои водат од врвот на куќичката кон земјата. Ентериерот е минималистички и удобно исполнет со перници и удобни кревети. Целата идеја е подредена на идеално место за релаксација и да се побегне од стресовите.