Раскошен пустински сон

Ако знаете и ако имате доволно пари, дури и пустината може да ја претворите во одлично место за живеење и ненадмината околина за вашиот дом. По својата природа и карактеристики, пустината е многу мирно и засолнето место, а во исто време натпросечно убаво. Користејќи ги сите нејзини добри страни, истовремено решавајќи ги проблемите на животот во дивината, Desert House е луксузна вила и совршено место за живеење во Калифорнија.
Оваа вила е дизајнирана во 1988 година, додека изградбата била завршена во 1993 година. Таа ги има сите модерни и скапи удобности за една луксузна вила, а нејзиниот необичен амбиент и начинот на кој таа се вклопува, се нејзините клучни елементи. Од далечина, оваа вила изгледа како уште една чудна формација од камења. Но со секое проближување се откриваат сите нејзини неверојатни и уникатни елементи: силен екстериер кој потсетува на некое суштество од пустината. Оваа вила претставува органска архитектура со сите нејзини најдобри елементи.
Ако ви се допаѓа идејата да живеете во оваа прекрасна околина, оваа вила е во моментов на продажба по цена од три милиони долари.