Луксуз на бранови: Златен држач за шампањ од 850.000 евра

Замислете го ова: пловите со вашата суперјахта по француската ривиера, опкружени со убавина, совршена за прослава. Но, што се случува кога сакате да наздравите во немирни води?

Овој проблем, кој може да го разбере само некој со големо искуство на јахти, го инспирирал капетанот на луксузни јахти Germain Mari-Oliveда да го создаде Tulip – врвен луксузен држач за шампањ дизајниран за најпрестижните јахти и приватни авиони.

Tulip, резултат на повеќе од четири години истражување и развој, претставува комбинација на висока технологија и луксузен дизајн. Секое парче се изработува со преку 800 часа рачно производство и има повеќе меѓународни патенти, обезбедувајќи врвен квалитет и уникатност.

Tulip не е само убав, туку и функционален. Опремен е со напреден гироскопски механизам кој може да издржи нагиби до 30 степени, што го прави идеален за сигурноста на вашите пијалоци во предизвикувачки морски услови. Со осум држачи, погоден е за чаши за шампањ или чаши за вино од кој било дизајн.

За оние со префинет вкус, Tulip може да се прилагоди според најлуксузните желби. Достапен е во верзии од бело, жолтао или розово злато, со опции за украсување со дијаманти, сафири, смарагди, бисери и седеф. Цената варира од 40.000 до 850.000 евра во зависност од нивото на персонализација.

Овој држач за шампањ веќе најде свој дом на јахтата Soundwave вредна 50 милиони долари во сопственост на милијардерот од Велика Британија, Nick Candy.