Teatro Borsoni во Бреша е повеќе од архитектура – културен светилник што ја ревитализира заедницата

Интервенцијата на Teatro Borsoni направена од бирото ARW Associates во соработка со Brescia Infrastrutture игра клучна улога во обновата на Via Milano во Бреша, Италија, како дел од проектот „Oltre la strada“. Оваа иницијатива се обидува да го трансформира индустриското наследство на областа во жив културен центар, зацврстувајќи ја зоната во тек со бројни проекти за унапредување кои се реализираат.

Оддалечен од улицата, театарот создава „граѓански црковен двор“ поплочен со гранит, надополнет со плоштад со дрвја на неговата источна страна, во непосредна близина на станбена населба. Плоштадот има препознатливи оџаци за вентилација и огледален волумен на јужната просторија за растенија. Редефинирањето на околниот јавен простор е составен дел од успехот на проектот како и архитектонската вредност на самиот театар.

Проктиран како „граѓанска архитектура“, театарот функционира како културен кондензатор. Неговата форма на паралелепипед се карактеризира со џиновски рустикален бетон и алуминиумска фасада издлабена на северната страна свртена кон Via Milano каде што се наоѓа главниот влез.

Континуиран стаклен ѕид го поврзува фоајето со плоштадот, нагласувајќи ја отвореноста на театарот кон градот. Нивото на сцената се протега во кула обложена со поликарбонатни панели, ноќе осветлена одвнатре, создавајќи впечатливо визуелно присуство.

Teatro Borsoni нуди разновидни простори за сите возрасни групи, вклучително и заеднички области, бар-фоаје со поглед на плоштадот и голема сала за изведби со подигната сцена поврзана со соблекувалните и складиштето.

Внатрешноста има дрвени акустични панели во ходниците, во контраст со темносиви гипс и подови, додека заедничките простори се збогатени со светло сиви тонови, дрво и алуминиумски акценти на скалите, оградите и рецепцијата. „Портокалова патека“ го поврзува фоајето со просторот за деца, означувајќи ја неговата наменска функција.

Театарот се состои од две сали за изведба, двете пристапни од првиот кат. Главната сала има 312 места за седење.  Дрвените ѕидови, осветлени со LED ленти и внимателно проектираниот таван обезбедуваат оптимално појачување на звукот. Подигнатата дрвена сцена вклучува шуплива долна страна за подобрување на резонанцата на гласот.

Детската сала, со капацитет од 169 места, нуди дрвен под кој се протега до сценскиот простор за неформално седење. За разлика од главната сала, нема кула, нагласувајќи го нејзиниот разигран и интимен дизајн.

Teatro Borsoni  е повеќе од архитектура, ја трансформира историски индустриската област во просперитетен културен светилник, ревитализирајќи ја заедницата и отелотворувајќи визија за напредок и за сегашните и за идните генерации.