Кинеските астронаути поставија светски рекорд во времетраење на вселенска прошетка

Двајца кинески астронаути, ја завршиле деветчасовната мисија надвор од вселенската станица „Тиангонг“, соборувајќи го досегашниот рекорд во вселенска прошетка. Податоците на NASA покажуваат дека претходниот рекорд постигнат од американските астронаути е 8 часа и 56 минути, кој датира од 2001 година. Руските космонаути се под оваа бројка.

Во текот на мисијата, кинеските астронаути поставиле штитови на вселенската станица, со цел да ја заштитат од вселенски отпад и да ги прегледаат разните инструменти. Продолжените вселенски прошетки се овозможени со новиот дизајн на вселенските одела.

Вселенската станица „Тиангонг“ (Небесна палата) е клучен дел од кинеската вселенска програма со човечки екипаж. Станицата во форма на буквата „Т“ се состои од средишен јадрен модул и два лабораториски модули. На станицата моментално има тројца астронаути кои во октомври се пристигнати во шестмесечна мисија.