Порта3 – градежништво, архитектура и екологија Порта3 – градежништво, архитектура и екологија
Во потрага по поодржливи начини за ладење на зградите, научници од Јужна Кореја развиле револуционерн премаз за стакло кој значително ги намалува температурите на површината додека истовремено дозволува да помине светлината. Оваа иновација, осмислена од истражувачите од POSTECH и Универзитетот во Кореја, може да ја подобри ефикасноста на системите за контрола на внатрешната температурата во зградите.
Стаклата, иако клучни за пропуштање на природната светлина, често предизвикуваат загуба на енергија. Во текот на зимските месеци, околу 30% од внатрешната топлина може да избега низ прозорците, додека во лето дури 76% од сончевото зрачење што допира до стаклото станува топлина во внатрешноста на зградата.
Традиционалните методи за решавање на овој проблем често ја нарушуваат основната функција на прозорецот – пренос на светлина.
Детали за новиот материјал
Новиот премаз се заснова на троен слој материјал, а секој слој има своја функција:
- Горен слој: Изработен од полидиметилсилоксан (PDMS), емитува топлина во форма на далеко инфрацрвено зрачење;
- Среден слој: Тенка слоевита структура од сребро со микроскопски дупки овозможува поминување на видливата светлина додека го рефлектира остатокот од сончевиот спектар;
- Долниот слој: Таканареченото Брагово огледало, направено од наизменични слоеви на титаниум диоксид и магнезиум флуорид, го рефлектира блиското инфрацрвено зрачење кое го сочинува најголемиот дел од сончевата светлина.
За време на тестирањето, премазот успеал да ја намали температурата на стаклените површини за дури 22,1°C во споредба со стаклото обложено само со PDMS, што е еден од најдобрите резултати за ладење постигнати досега со ваквите премази.
Важно е да се напомене дека во исто време ја задржал транспарентноста на стаклото, што го прави погодно за широка примена во архитектурата и градежната индустрија.
Можности за примена
Професорот Junsuk Rho, водечки автор на истражувањето, нагласува дека технологијата е подготвена за масовно производство. Нејзината клучна предност лежи во способноста да ја намали потрошувачката на енергија на системите за греење и ладење, што ја прави клучна технологија за одржлива иднина.
Оваа технологија пружа значаен придонес во борбата против енергетската криза и климатските промени, правејќи ги зградите енергетски поефикасни без да се жртвува природното осветлување, а истражувачкиот труд е објавен во списанието Advanced Functional Materials.
Развојот на вакви пасивни материјали за регулација на температурата претставува значаен чекор кон позелена градба. Нивната имплементација може да ја намали употребата на клима уреди и да придонесе за зачувување на енергијата на глобално ниво.
