Најновата играчка на Мајкл Џордан: Луксузен авион од 70 милиони долари

Мајкл Џордан, најдобриот кошаркар на сите времиња го носи луксузот до нови височини – буквално.

Иконата на НБА продолжува да ужива во раскошниот живот и по пензионирањето. Неговата последна аквизиција е Gulfstream G650ER, персонализиран деловен авион вреден импресивни 70 милиони долари, кој укажува на неговата култна линија патики Air Jordan.

Овој ултра луксузен авион на долги релации е еден од најпрестижните во светот и има капацитет да помине 7.500 наутички милји без престан, што му овозможува да лета од Њујорк до Хонг Конг или од Лос Анџелес до Сиднеј.

61-годишниот Џордан издвоил дополнителни 500.000 долари за боја по нарачка. Она што го прави овој авион посебен е персонализираниот дизајн на надворешноста. Избрал сребрена и црна тема за да го прилагоди својот нов раскошен авион и да им оддаде почит на неговите иконични патики Air Jordan. Џордан е познат по неговата љубов кон овој модел, кој го користел и на неговиот претходен приватен авион Gulfstream G550, како и на неговиот прилагоден брод Викинг.

Авионот е украсен и со иконичното лого на Џордан, Jumpman кое е додадено на надворешноста на задниот дел во огромен бел принт. Внимателно е избран и бројот N236MJ, кој ги вклучува бројот на дресот на Џордан (23), бројот на шампионски прстени што ги освои во кариерата и неговите иницијали.

Внатрешноста на Gulfstream G650ER овозможува удобност за најмногу 19 патници и четиричлен екипаж. Иако деталите за специфичните прилагодувања на ентериерот се непознати, се шпекулира дека авионот има луксузен салон за пури, што не е изненадувачки со оглед на љубовта на Џордан кон кубанските пури и приватна спална соба за летови на долги релации.