IEA предупредува на предизвици во снабдувањето со гас во пресрет на зимата

Растечката побарувачка за гас и геополитичките напнатости, би можеле да го закомпликуваат снабдувањето со овој енергент оваа зима, предупредува Меѓународната агенција за енергетика (IEA) во својот најнов извештај. Според предвидувањата на агенцијата, потрошувачката на гас оваа година ќе достигне рекордни 4200 милијарди метри кубни, а идната година се очекува зголемување за уште 2,3%.

Меѓу најголемите неизвесности кои ја мачат Европа е снабдувањето со руски гас преку Украина, резимира извештајот. Моменталните договори истекуваат кон крајот на годината, што потенцијално би можело целосно да ги запре руските испораки по оваа рута, истакнува IEA и додава дека Европа следните години ќе мора да го зголеми увозот на течен природен гас (ТПГ).