Галерија од дрво во Осака за врвни јапонски ножеви

Јапонското биро KATATA YOSHIHITO DESIGN проектирало дрвена галерија за дрвени ножеви која зборува за „занаетчистката вештина зад нивното создавање“.

Наречена Tojiro Knife Gallery, просторот од 40 квадратни метри е проектиран за производителот на ножеви, Tojiro Company. Галеријата е првата продавница на компанијата во регионот Кансаи.

Сместена во „Doguya-Suji Yokocho“, Осака, Јапонија, целта на бирото била да проектира производ што ќе им овозможи на потрошувачите да го ценат големиот избор на врвни ножеви овозможени со интегрираниот производствен процес на Tojiro, уметноста и умешноста во нивната изработка.

Собата за одржување и галеријата со ножеви се двата главни простора на продавницата. Клиентите можат одблиску да ја видат изработката на Tojiro гледајќи ја постапката за одржување на ножот во просторијата за одржување, која е достапна и од надворешниот дел од продавницата.

Нудејќи искуство слично на обиколка во фабриката, оваа област ја има истата опрема и материјали за одржување како и главната фабрика на Tojiro во градот Tsubame.

Способноста да се носи со сè, од едноставно одржување до сложени поправки е доказ за вистинската посветеност на мајсторите во пружање услуги за острење ножеви.

Нејзината посветеност на продолжувањето на животниот век на ножевите, поттикнување на долготрајна употреба, намалување на отпадот и промовирање на одржлива потрошувачка ја претставува јапонската „култура на негување предмети“.

„Наша цел е овој простор да послужи како почитувано место за консултации за локалната заедница“, велат од KATATA YOSHIHITO DESIGN, на чело со Yoshihito Katata.

Галеријата со ножеви, проектирана е во дрво за да евоцира традиционална јапонска атмосфера, ја прикажува традиционалната естетика на јапонскиот производител на ножеви.

Ножевите се поставени на ѕидовите во шема што сугерира „ножеви“ и „даски за сечење“ наредени едни до други, што ја означува врската помеѓу овие незаменливи јапонски алатки за готвење.

Едноставниот, чист распоред на просторот го свртува вниманието на тоа колку се добро изработени и прецизни ножевите на Tojiro. „Yoroi-bari“, традиционална јапонска архитектонска техника, се користи во поставката на ножевите на ѕидовите, со што се олеснува ракувањето и помала е веројатноста да паднат.

Овој метод создава единствен дизајн во целата продавницата со тоа што доследно се користи надвор и внатре.

Фасадата има сјаен материјал со поцинкуван премаз, кој потсетува на фабрика и остава впечаток на продавница и модерна и индустриска.

Прекрасен спој на традиционални јапонски и индустриски простори е создаден со вештото интегрирање на Yoroi-bari дизајнот од галеријата на ножеви со индустрискиот дизајн на просторијата за одржување. Ова претставува нов вид убавина што ја меша традицијата со модерни материјали.

„Потенцијалот за оваа нова фузија на јапонски и индустриски изрази, нуди уникатен пристап кон просторниот дизајн кој одекнува со духот на соживот длабоко вкоренет во јапонската култура“, вели бирото.

„Веруваме дека служи како инспирација за создавање простори што ги спојуваат различните култури, неопходност што ќе продолжи да расте и добива на значење низ Азија и во светот“, додаваат.