Фотографска изложба „Вики ја сака Земјата“ во Галерија „Осум“

Вчера во Галерија „Осум“ во Старата скопска чаршија, беше отворена изложба на фотографии како дел од проектот „Вики ја сака Земјата“ – натпревар на фотографии организиран од Википедија/Викимедија за спомениците на природата и заштитените природни подрачја, како и сите природни убавини во Македонија. Исто така, на отворањето беа прогласени и наградените фотографии и нивните автори.

Дарко Цветановски

Тоа се „Високо на Крчин, дел од Националниот парк Маврово“ на Мартин Димитриевски, „Поглед на Охридско и Преспанско Езеро од планината Галичица“ на Дарко Цветановски, „Карпа во близина на селото Трпејца во Охридското Езеро“ на Даниела Стефаноска, „Поглед од Националниот парк Галичица кон Преспанското Eзеро“ на Сашо Попоски и фотографијата „Пеперуга на цвет од круша, во селото Мажучиште, Прилеп“ од Мартин Ташкоски.

Даниела Стефаноска

Инаку, натпреварот беше прв пат организиран минатата година од страна на Википедија на украински јазик, додека во 2014 година се спроведе во повеќе различни земји, меѓу кои и Македонија. Нашата земја се најде на првото место со вкупно 12.695 фотографии помеѓу останатите 19 земји-учеснички.