Санирање на покривите во Општина Центар што настрадаа лани во невреме

Општина Центар ќе помогне во санирањето на штетите на два објекта што настрадаа во невремето што се случи лани во август, за што од буџетот ќе издвои 600.000 денари .
Станува збор за зградата број 7 влез 3, на булеварот „Kочо Рацин“, како и на станбен објект на улицата „11 Октомври“ број 23б/17.
За првиот објект Општината ќе издвои 350.000 денари кои ќе бидат наменети за санација на покривната конструкција, оџакот, како и за стаклата во влезот. За вториот објект, општинските власти ќе издвојат 250.000 денари за санација на рамниот и дотраен лимен покрив.