Matt Magee: Уметност од секојдневни предмети

The Residence е станбен изложбен простор во населбата Линколн Парк во Чикаго и продолжување на тековната цел на Mission да ја промовира уметноста на Америка, со посебен интерес за современата уметност на Латинска Америка.

Во Residence во тек е изложба Cutouts and Cut-offs на уметнкот Matt Magee.

Matt Magee е американски современ уметник кој е најпознат по неговите минимални апстрактни геометриски слики, скулптури, принтови, склопови, мурали и фотографии. Роден е во Париз, во 1961. година и оттаму се преселил во Триполи, Либија, а потоа во Лондон.

Magee собира и складира секојдневни предмети, потоа ги сече, обработува и сложува во геометриски скулптури, колажи и слики. Неговите склопови од пронајдени материјали – алуминиумски конзерви, пластични шишиња од детергент, жици и стаклени монистра – се под влијание на неговата фасцинација со јазикот, симболите и рефлексиите вградени во одредени површини. Делата се поетски и репетитивни, во распон од минималистички апстрактни геометриски слики, преку склопови на живописни шипки и кругови во рамни бои, до врамени дела од блескава пластика и рефлектирачки метал.

Интересот на Magee за повторна употреба и пренамена на пронајдените медиуми во неговата пракса започнало уште во 1970-тите кога бил тинејџер. Во 1983 година, додека стажирал во колекцијата Пеги Гугенхајм во Венеција, почнал да собира фрлени пластични шишиња кои лебделе во каналите. Тој ги исекол шишињата на облици и ленти и направил мали скулптури во неговиот стан на Giudecca.

Подоцна, додека учел на Pratt Institute, се посветил на изработка на високи структури од пронајдени алуминиумски лименки. Иако работи и со традиционални медиуми како што се боја на панел, литографија и фотографија, тој отсекогаш одржувал специфичен интерес да ги пренамени пронајдените предмети во скулптура. Формата, материјалноста, бојата и необичноста се централни теми во неговите дела бидејќи тој поврзува различни материјали за да создаде неочекувани, споени предмети.