Доделени 606 субвенции за соларни колектори

Министерството за економија во спортската сала „Борис Трајковски“ го организираше јавното извлекување на граѓаните што поднесоа барање за поврат на дел од вложените средства во сончеви колекторски системи. Со годинешното субвенционирање се опфатени 606 граѓани, за кои од државниот буџет се издвоени финансиски средства во висина од шест милиони денари. Граѓаните што беа извлечени ќе добијат субвенција во износ од 30 отсто од вкупната инвестиција, но не повеќе од 300 евра по домаќинство.