Дел од обиколницата околу Белград пуштена за сообраќај

Дел од обиколницата околу Белград од Стражевица до Бубањ Поток, пуштена  е за сообраќај денес во 9 часот, по вчерашното свечено отворање.

Со обиколницата околу Белград, од Добановачка петље до Бубањ Поток, од денеска се вози за помалку од половина час, по шест сообраќајни ленти.

Делот од автопатот од тунелот Стражевица до Бубањ Поток, во должина од 9,74 километри, свечено беше отворен вчера во присуство на претседателот на Србија, државниот врв и амбасадорите на Кина и Азербејџан, чии експерти учествуваа на градба.

Белградската обиколница го поврзува кракот на Коридорот Xb, Е-75 (граница со Унгарија, Хоргош – Нови Сад – Белград) со Коридорот X, Е-70 (граница со Хрватска, Батровци – Белград), државниот пат ИБ редослед број 26 и рутата 4, Е -763 (Белград – Пожега – граница со Црна Гора Бољаре) и повторно дел од Коридорот X, Е-75 (Белград – Ниш – Прешево – граница со Македонија).

Со завршувањето на обиколницата, сообраќајот се пренасочува од преоптоварената основна мрежа на градски патишта кон Обиколницата, што придонесува за скратување на времето на патување за транзитните текови, намалување на бројот на сообраќајни несреќи, трошоците за експлоатација на возилата, штетните гасови и бучава од возила во потесното градско подрачје.

Обиколницата на Белград се состои од следните делници:

Делница А: Батајница-Добановци

Делница Б: Добановци – Бубањ Поток; се состои од шест сектори

Делница Ц: Бубањ Поток – Панчево (Е-70)

Секторот 6 се состои од две ленти (целосен профил) на автопат од тунелот Стражевица до клучката Бубањ Поток (вклучувајќи ја клучката), со должина од 9,74 километри.

Во рамките на секторот 6, завршени се и десната и левата лента на автопатот, кој ги опфаќа отворениот дел од трасата, тунелот Бели Поток, клучките Авала и Бубањ Поток, два моста на автопатот: мост бр. 16 и мост бр. 17, два надвозници во клучката Авала, осум моста во клучката Бубањ Поток, како и четири надвозници долж сектор 6.

Обиколницата околу Белград е долга 47 километри и проектирана за брзина од 120 километри на час. Дали брзината ќе се надминува ќе се следи од единствен централен систем за следење и контрола. Возачите всушност ќе бидат контролирани од четири типа камери.

Проектот е започнат во далечната 1991 година. Работите беа обновени пред пет години и оттогаш се работи на таканаречениот сектор Б, од мостот на Сава кај Остружница до Бубањ Поток. Рокот беше три години, но поради пандемијата и други предизвици, работите беа продолжени и сега се завршени.