Во најновиот STORYTELLING архитект Ивана Белчева ни ја раскажува приказната околу проектирањето на модерната ЗОО градина во Скопје (ВИДЕО)

B2 Media со најновиот проект STORYTELLING започнува серија на видеа, каде веќе гостувале или ќе гостуваат интересни гости. Преку разговор и во една опуштена атмосфера, се обидуваат да ги поттикнат успешните приказни во Македонија и регионот.

За почеток, го издвојуваме „STORYTELLING 04″ во кое архитект Ивана Белчева екс Костовска раскажува за остварување на својот детски сон. Таа кога била на пет годишна возраст имала желба да ги подобри живеалиштата на животните во зоолошка градина во Скопје. Нејзиниот сон станува стварност, Ивана како млад архитект била дел од тимот кој работел на проектот за реконструкција на скопската зоолошка градина.