„Икеа“ започна со продажба на електрични велосипеди

Шведската компанија „Икеа“ започна продажба на електрични велосипеди кои се наречени FOLKVÄNLIG. Името претставува кованица од два збора во шведскиот јазик. “Folk” што во превод значи „луѓе“, и “vänlig” што во превод значи „пријателски“. Целата конструкција на велосипедот е направена од алуминиум и челик. Велосипедот има литиум-јонска батерија која напојува електричен мотор со моќност од 250 W. Со едно полнење можно е да се помине растојание и до 72 km.