Колекција чинии вистински уметнички дела за домот

При креирањето на колекцијата Shou Sugi Ban, дизајнерите од студиото A Space изобилство инспирација нашле во работата на скулпторот Исамуа Ногучи, посебно фокусирајќи се на делото „The Sculptor and the Ashtray“, проект кој истражува два спротивни концепти.

Првиот концепт бил рачно изработен и содржел девет модели од гипс кои ја инспирирале оваа колекција, додека вториот бил создаден за масовно производство, но бил за тоа премногу комплексен. На крајот, ниту еден концепт не бил целосно реализиран, а желбата на Ногучи да создаде „евтини работи за пошироките народни маси “ никогаш не се остварила.

А колекцијата Space Shou Sugi Ban се состои од девет скулпторски дрвени чинии, при што секоја е изработена во серија од 10. Садовите традиционално се произведуваат користејќи рециклирано либанско кедрово дрво, додека рачно ги изработуваат вистински мајстори на занаетот.

Понатамошната инспирација која потекнува од делата на Ногучи е евидентна во користењето на позитивниот и негативниот простор. Мирисното кедрово дрво природно е исушено, што го прави секој сад одржлив, пред да се запали и затемни со помош на јапонската техника Шоу Суги.

После тоа, чиниите се полирани, пескарени и покриени со слој од природен лак. Целата колекција Shou Sugi Ban е почит на квалитетните материјали, формата и функцијата на секојдневните предмети, преточена во уметнички дела за домот.