Најдобрите дизајни на Френк Лојд Рајт на едно место

Не е скромно, да се каже дека Френк Лојд Рајт е речиси синоним за американската архитектура. Иако Рајт секогаш ќе остане запаметен како еден од највлијателните и најзначајните архитекти на дваесеттиот век, неговиот професионален опус не го одбележува само архитектурата која ја дизајнираше. Во текот на неговата повеќедецениска кариера, визионерот исто така заврши многу проекти во многу помал обем, сонувајќи за мебел, садови и предмети – често изложени во една од неговите објекти (налик на тотал дизајн).

Новата привремена изложба во Киркленд, (музејот за ликовна и декоративна уметност во Денвер, Колорадо, „Френк Лојд Рајт внатре во ѕидовите“ ) има за цел да даде осврт на декоративните уметнички дела на Рајт како составен дел од неговата сестрана дизајнерска визија.

„Едвај чекаме да ги споделиме овие интригантни примери од работата на Рајт во кохезивна изложба“, рече во соопштението Рене Албистон, помошник директор на музејот. Во рамките на изложбата, гостите можат да најдат предмети од единаесет архитектонски проекти на Рајт, покрај фотографиите од експонатите во нивните оригинални поставки.

Меѓу многуте возбудливи дизајни, еден од најзабележителните е стаклената светилка дизајнирана од Рајт. Берти Слуцки, ентузијастка и колекционер на делата на Рајт пронашла два експонати во антикварница во 1964 година и ги препознала како оригинали на Рајт. Подоцна, таа ги споила со цел за да создаде ламба и му ја дала на нејзиниот син Луис Њуман како подарок за дипломирање, кој подоцна ќе ја донира во изворен облик на музејот во 2018 година како чин на почитување кон колекционерската страст на Слуцки и уметноста.

Џули Слоун, авторка на делото „Светлосни екрани: Оловното стакло на Френк Лојд Рајт“, ја потврди автентичноста на стаклото во име на музејот и теоретизираше дека тоа најверојатно останало од куќата на Рајт во Спрингфилд, Илиноис, која била завршена во 1904 година.

Гостите на музејот ќе добијат и можност да го погледнат Паун стол и разни предмети за јадење што некогаш биле во изгубениот хотел Империал, канцелариско столче од зградата Џонсон и прозорец од куќата Ејвори Кунли, меѓу другите парчиња мебел. Покрај изложбата (која трае до почетокот на јануари 2023 година), музејот планира и серија предавања и разговори за славниот архитект.