Нов систем на бушење на тунели, дури 100 пати побрз од стандардните?

Американската стартап компанија Earthgrid развива робот за плазма бушење кој може да копа тунели дури 100 пати побрзо и до 98% поефтино од постоечките технологии. имено, најголем дел од тунелите денес се изградени со масивни, механички машини за ротационо бушење, а процесот е исклучително бавен и скап. Но, постои и друг начин – со помош на робот, односно т.н Rapid Burrowing Robot (RBR), кој се состои од повеќе плазма горилници поставени на големи дискови. На овој начин се разбиваат карпите и остатоците се собираат во количка поврзана со кабел.

Но, станува збор за моќни горилници, за чија работа е потребна голема количина енергија, но сепак од компанијата уверуваат дека вкупните оперативни трошоци се пониски од класичните технологии, бидејќи нема потреба од замена и поправка на скапи механички компоненти. Што се однесува до брзината, Earthgrid тврди дека може да буши до 1km тунел дневно, што е 100 пати побрзо од постоечките технологии. Заради споредба, Boring Company на Илон Маск може да пробуши 0,24km дневно.