Автономните возила ќе можат да развиваат до 130km/h и да менуваат ленти

Меѓународниот експертски панел при UNECE (United Nations Economic Commission for Europe), се согласи да ја зголеми максимално допуштената брзина за автономните возила во одредени ситуации. Според таа одлука, ограничувањето на брзината за автономните возила ќе биде подигнато од  60km/h на 130km/h. Промената на коловозните ленти исто така ќе биде дозволена. По уртврдување на преостанатите формалности, ова правило ќе стапи во сила за шест месеци.

Над 50 земји ширум светот се членки на спогодбата, вклучувајќи ги и 27-те земји членки на ЕУ. САД, Кина и некои други земји го регулираат автономното возење според сопствени стандарди. Во моментот, автономното возење е ограничено на одредени ситуации на автопатиштата, како што се сообраќајните гужви. Доколку се појави мраз на коловозот или некоја друга опасност која автмобилите ја детектираат преку камери и сензори, возачите се предупредуваат и автономниот режим се исклучува.