Првиот Закон за клима во Грција, поставува рок за напуштање на возилата со внатрешно согорување

Националниот Закон за клима, кој има обврзувачки таргети за емисиите на јаглерод диоксид за 2030 и 2040 година, како и обврска за постигнување на јаглеродна неутралност до 2050 година, е клучен за напорите на Грција за декарбонизација. Главниот фокус е во затворањето на сите електрани на јаглен до 2028 година, со реевалуација во 2023 година.

Една од најреволуционерните промени е забраната за користење на горилници на нафта за греење на објекти, како и забрана на продажбата на нови возила со мотори на внатрешно согорување, односно со фосилни горива. Попрецизно, од 2030 година, во продажба ќе бидат само електрични патнички и комерцијални возила. Сепак, с еостава простор з апромена на рокот во зависност од енергетската политика на ЕУ. Од 2026 година, во големите урбани центри, такси возилата мора да имаат нулта емисија, а истото ќе важи и за една третина од возилата за изнајмување.