Велика Британија: Royal Mail сака да користи флота дронови за достава на пратки на оддалечени локации

Британската пошта Royal Mail планира да набави флота од 500 дронови кои ќе се користат за достава на пратки во оддалечените заедници ширум Велика Британија. Но, за оваа услуга е потребно одобрение од агенцијата CAA за цивилна пловидба, а новите рути ќе зависат од „планираното подобрување на економијата на беспилотните летала“.

Royal Mail тестира дронови веќе некое време, а последното тестирање е реализирано во април на островите Shetland. Леталата имаат домет од околу 1.000 километри. Тие можат да понесат до 100 килограми товар, а ги задвижуваат два мотори со внатрешно согорување. Тие се првобитно дизајнирани да испорачуваат хуманитарна помош во Африка. За полетување им е потребен мал простор, како и за слетување. Дроновите летаат самостојно, и наменети се за средниот дел на процесот на испорака, бидејќи по доставата пратките ги превземаат поштенските службеници. Сепак, овие дронови ќе помогнат во ефикасноста на услугата и во намалување на емисиите на јаглерод диоксид. Исто така, тие се поотпорни на лоши климатски услови.